სოფელი ჩრდილი მაღალმთიანი სოფლების სტატუსის მქონე სოფელთა ჩამონათვალში შევიდა, რაც ჩრდილელებს გარკვეული შეღავათებით სარგებლობის შესაძლებლობას მისცემს.

პარლამენტის რეგიონული პოლიტიკისა და თვითმმართველობის კომიტეტმა 7 ივლისს განიხილა პარლამენტარ ნოდარ ებანოიძის მიერ საკანონმდებლო ინიციატივის წესით წარდგენილი ცვლილება „მაღალმთიანი რეგიონების სოციალურ-ეკონომიკური და კულტურული განვითარების შესახებ“ საქართველოს კანონში.

„მომავალში მთავრობამ შეიძლება განსაზღვროს მაღალმთიანი სოფლების განსხვავებული ჩამონათვალი, – ამბობს ნოდარ ებანოიძე, – ხარაგაულის მუნიციპალიტეტის სოფლებიდან, ვფიქრობ, მაღალმთიანის სტატუსი უნდა ჰქონდეს, მინიმუმ, დღეს ამ სტატუსის მქონე სოფლებს.“

შეგახსენებთ, რომ ხარაგაულის მუნიციპალიტეტში დღემდე მაღალმთიანი სოფლის სტატუსი ჰქონდათ შემდეგ სოფლებს: გოლათუბანი, ზვარე, ნადაბური, ნუნისი, ფონა და წიფა.