KineDok Georgia, „ქუთაისის საერთაშორისო მოკლემეტრაჟიანი ფილმების კინოფესტივალი“ და „დაუკრეფავი“ გიწვევთ 27-28 იანვარს ქუთაისში ვორქშოფზე მათ, ვინც დაინტერესებულია ღია ლექციების, შეხვედრებისა და კინოჩვენებების ორგანიზებით.

ვორქშოფი ხორციელდება ევროკავშირის მიერ დაფინანსებული პროექტის  EU4Culture მხარდაჭერით, კულტურული და ინოვიაციური პროექტების კონკურსში გამარჯვებული პროექტის “Film Cities: Kutaisi and Poti” ფარგლებში.

ორი დღის განმავლობაში ვისაუბრებთ ისეთ საკითხებზე, როგორიცაა: კინოჩვენების დაგეგმვის ძირითადი პრინციპები – სივრცის ტექნიკურად მოწყობა, აუდიტორიის მოზიდვის სტრატეგიები; კულტურის სფეროში არსებული გამოწვევები და სხვა აქტუალური თემები.

განვიხილავთ ასევე KineDok Georgia-ს დოკუმენტური კინოს კოლექციას, რომლის ჩვენება წლის განმავლობაში ყველა მონაწილე ორგანიზაციასა და კინომოყვარულს შეეძლება. ქუთაისის საერთაშორისო მოკლემეტრაჟიანი ფილმების ფესტივალის გამარჯვებულ ფილმებსაც ვნახავთ და ვიმსჯელებთ მათზე.

დასწრება შეუძლიათ იმერეთში არსებული:

  • სხვადასხვა კულტურული სივრცის მენეჯერებს (გალერეებს, კულტურის ცენტრებს და ა.შ);
  • კაფეებისა და ბარების წარმომადგენლებს, რომელთაც სურთ თავიანთ სივრცეში კინოჩვენებების მოწყობა;
  • საინიციატივო ჯგუფებისა და არასამთავრობო ორგანიზაციების წარმომადგენლებს.

განაცხადის საფუძველზე შეირჩევა 5 მონაწილე.

მგზავრობისა და დარჩენის ხარჯები ანაზღაურებული იქნება.

განაცხადების მიღების ბოლო ვადა: 17 იანვარი, 2024

ევროკავშირის მიერ დაფინანსებულ პროექტს EU4Culture ახორციელებენ გოეთეს ინსტიტუტი (წამყვანი პარტნიორი), ჩეხეთის ცენტრები, დანიის კულტურის ინსტიტუტი და საქართველოს ფრანგული ინსტიტუტი.

განაცხადის ფორმა