ძირულა-ხარაგაული-ჩუმათელეთის 50 კილომეტრიანი საავტომობილო გზის მშენებლობის წინასაპროექტო სამუშაოები დასრულდა.

დონორმა, – აზიის განვითარების ბანკმა, მიიღო საბოლოო გადაწყვეტილება ამ გზის მშენებლობასთან დაკავშირებით და საქართველოს მთავრობასთან ხელშეკრულება გააფორმა.

ეს ინფორმაცია პარლამენტარმა ნოდარ ებანოიძემ მოგვაწოდა.

„2015 წლის ბოლომდე უნდა დასრულდეს პროექტირება, რისთვისაც უკვე გამოიყო 2 მილიონი ლარი, – ამბობს ნოდარ ებანოიძე, – 2015 წლის წლის ბოლოს გამოცხადდება ტენდერი მშენებელი ორგანიზაციის გამოსავლენად.

2016 წლის გაზაფხულზე დაიწყება ძირულა-ხარაგაული-ჩუმათელეთის საავტომობილო გზის მშენებლობა, რაც, სავარაუდოდ, ორ წელიწადში დასრულდება.“