ა(ა)იპ ხარაგაულის „სათნოების სახლის“ დირექტორად გიორგი ჩიჩილიძე 2 ივლისს დაინიშნა.

ყოფილი დირექტორის, მაკა შველიძის, განცხადებით, მან თანამდებობა პირადი განცხადების საფუძველზე დატოვა.

„მე მგონი, რომ შემოთავაზებები იქნება, – ამბობს ქალბატონი მაკა, – ალბათ სხვაგან დავსაქმდები. ასე უმჯობესი იყო, რომ მამაკაცს დაეკავებინა ეს თანამდებობა. მე კარგად განვეწყვე, ნორმალური სიტუაციაა და ასე სჯობდა ჯერჯერობით.“

მაკა შველიძე ა(ა)იპ ხარაგაულის „სათნოების სახლის“ დირექტორად 2011 წლის იანვრიდან მუშაობდა.