ხევი-ნადაბურის დამაკავშირებელი გზის რეაბილიტაციისათვის (გაბიონების მოწყობა) საპროექტო-სახარჯთაღრიცხვო დოკუმენტაცია ტენდერში გამარჯვებულმა შპს-მ „პროექტმშენი +“ 2 999 ლარად 20 ივლისამდე უნდა შეადგინოს.

ამის თაობაზე ხელშეკრულება ხარაგაულის მუნიციპალიტეტის გამგებელ კობა ლურსმანაშვილსა და შპს „პროექტმშენი +“-ის დირექტორ ვახტანგ თხელიძეს შორის 29 ივნისს გაფორმდა.

ტენდერი 3 390 ლარზე იყო გამოცხადებული და მასში სამი ორგანიზაცია მონაწილეობდა.

თავად პროექტის სავარაუდო ღირებულებაა 120 ათასი ლარი.