6 ოქტომბერს ხარაგაულის საავადმყოფოში სისხლის უანგარო დონაციის აქცია „გაიღე სისხლი გადაარჩინე სიცოცხლე“ ჩატარდება.

აქცია ხარაგაულის სამედიცინო დაწესებულების, კლინიკური მენეჯერის დიმიტრი კოჩაძის და ქ. ზესტაფონში არსებული სისხლის ბანკის ფილიალის დირექტორის ლაშა გოგოლაძის ინიციატივით იმართება

აღნიშნული აქციის მიზანს წარმოადგენს საზოგადოების ცნობიერების ამაღლება უსაფრთხო სისხლისა და სისხლის პროდუქტების მნიშვნელობის შესახებ და მადლიერების გამოხატვა ყველა იმ დონორის მიმართ, რომელიც ნებაყოფლობით და უანგაროდ გასცემს სისხლს ადამიანების სიცოცხლის გადასარჩენად. უანგარო რეგულარული დონაცია სისხლის უსაფრთხოების და მუდმივი ხელმისაწვდომობის გარანტი და ამასთანავე ჯანდაცვის სისტემის ერთ-ერთი უმნიშვნელოვანესი კომპონენტია.

ყველა ჩვენგანს სისხლის გაღებით შეუძლია, სიცოცხლე აჩუქოს სხვა ადამიანს.