სასწავლო კურსი 23-45 წლის ასაკის მოქალაქეებს აძლევს შესაძლებლობას გაიარონ 3 დღიანი სასწავლო პროგრამა და პროფესიულ დონეზე შეისწავლონ ელექტრონული საარჩევნო ტექნოლოგიების მუშაობის სპეციფიკა.

2022 წლის დეკემბერში საარჩევნო კანონმდებლობაში განხორციელებულმა მნიშვნელოვანმა ცვლილებებმა, რომლებმაც ახალ საარჩევნო რეფორმას ჩაუყარა საფუძველი, გააჩინა პროექტის ახალი კონცეფციის შემუშავების საჭიროება.

ახალი კონცეფციის შესაბამისად პროექტის „ცესკოს საარჩევნო ბანაკი“ მიზანია ელექტრონული ტექნოლოგიების მიმართულებით მაღალი კვალიფიკაციის მქონე ადამიანური რესურსის ფორმირება და საარჩევნო ადმინისტრაციაში დაგროვილი ცოდნის გაზიარების გზით მონაწილეთა ცნობიერების ამაღლება საარჩევნო სიახლეების და ტექნოლოგიების შესახებ.

სწავლება 5 აგვისტოს დაიწყება. ტრენინგი გაიმართება დაბა ბაკურიანში.

პროექტში მონაწილეობის მსურველ პირს სასურველია გააჩნდეს საარჩევნო ადმინისტრაციაში მუშაობის გამოცდილება, არჩევნებზე დამკვირვებლის სტატუსით მონაწილეობის გამოცდილება, საარჩევნო ადმინისტრაციის მოხელის სერტიფიკატი, კომპიუტერთან და ელექტრონულ მოწყობილობებთან მუშაობის ტექნიკური უნარ-ჩვევები.

საინფორმაციო-სასწავლო კურსის გავლის მსურველები უნდა დარეგისტრირდნენ სპეციალური ელექტრონული პლატფორმის (Konkursi.cec.gov.ge) საშუალებით 17 ივლისიდან 25 ივლისის 24:00 სთ-მდე (დასვენების და უქმე დღეების ჩათვლით). შევსებულ აპლიკაციას თან უნდა დაერთოს პირადობის დამადასტურებელი დოკუმენტის (პირადობის მოწმობა, პასპორტი) ფოტო ასლი.

საარჩევნო ადმინისტრაციის მიერ პროექტისთვის მონაწილეთა შერჩევისას გათვალისწინებული იქნება გენდერული ბალანსი.

შენიშვნა:

  • ვადის დარღვევით წარმოდგენილი დოკუმენტაცია არ განიხილება;
  • საინფორმაციო-სასწავლო კურსი ჩატარდება 2023 წლის 5 აგვისტოდან – 25 აგვისტოს პერიოდში;
  • პროექტში მონაწილეობისთვის შერჩეული პირების კურსზე მოწვევა განხორციელდება არაუგვიანეს 2023 წლის 2 აგვისტოსი.
  • მონაწილეების ინფორმირება კურსის დაწყების დაზუსტებული თარიღის და დროის თაობაზე, ასევე, პროექტის საჭიროებებიდან გამომდინარე, მონაწილეებთან შემდგომი კომუნიკაცია განხორციელდება სააპლიკაციო ფორმაში მითითებული ელექტრონული ფოსტის მისამართზე შეტყობინებების გაგზავნის ფორმით ან სატელეფონო კომუნიკაციის ფორმით;
  • პროექტის ფარგლებში მონაწილეთა ტრანსპორტირების (თბილისიდან/ხაშურიდან) და სასტუმროში განთავსების ხარჯებს უზრუნველყოფს ცესკო.

დამატებითი ინფორმაციის საჭიროების შემთხვევაში დაგვიკავშირდით: 2 51 00 51.

რეგისტრაციისთვის ეწვიეთ ბმულს.

წყარო