ა(ა)იპ „ხარაგაულკეთილმოწყობა“ (დირექტორი მიხეილ ჭიპაშვილი) ადგილობრივი ბიუჯეტიდან დამატებით 23 200 ლარი მოითხოვა, – 6 ათასი ლარი ბორითში მერაბ კოსტავას სახელობის სკვერის მოსაწყობად, 12 500 ლარი კინოთეატრის მიმდებარე ტერიტორიაზე რეზო თაბუკაშვილის ბიუსტის შესაძენად და დასადგმელად, 4 700 ლარი – ივნისის სახელფასო ფონდის შესავსებად.

ხარაგაულის მუნიციპალიტეტის საკრებულომ 17 ივნისს გამართულ რიგგარეშე სხდომაზე თანხმობა მისცა გამგეობის საფინანსო-საბიუჯეტო სამსახურს ა(ა)იპ „ხარაგაულკეთილმოწყობისთვის“ 22,5 ათასი ლარის გამოყოფაზე. ამ სამსახურს ივნისის სახელფასო ფონდის შესავსებად 4 000 ლარი გამოეყო.