რეგიონული ჯანდაცვის ცენტრის ხარაგაულის სამედიცინო დაწესებულების კლინიკური მენეჯერი დიმიტრი კოჩაძე, 30 მაისს ბენეფიციარებს გინეკოლოგიური და ენდოკრინოლოგიური პათოლოგიების დროული დიაგნოსტირების მიზნით, უფასო აქციის ფარგლებში უმასპინძლებს.

კონსულტაციას ქ. თბილისის მრავალპროფილური კლინიკის შპს „გერმანული ჰოსპიტალის“ მაღალკვალიფიციური გუნდი – გინეკოლოგიური განყოფილების ხელმძღვანელი, ექიმი მეან-გინეკოლოგი – ლევან გვარამაძე; ექიმი მეან-გინეკოლოგი სოფიო ანანიკოვი; ექიმი მეან გინეკოლოგი მარიამ ობოლაძე; ქ. თბილისის კლინიკა შპს „ლიდერმედის“ რეპროდუქტოლოგი და მეან-გინეკოლოგი ლილი გვარამაძე; შპს კარდიოლოგიური კლინიკა „გულის“ და ხარაგაულის სამედიცინო ცენტრის წამყვანი სპეციალისტი, ენდოკრინოლოგი – მარიამ ნაცვლიშვილი ჩაატარებენ.

თუ უჩივით შემდეგ სიმპტომებს, არ უნდა გამოტოვოთ გინეკოლოგთან და რეპროდუქტოლოგთან უფასო კონსულტაცია:

  • არარეგულარული მენსტრუაცია;
  • ციკლებს შორის სისხლდენა ან სისხლდენა სქესობრივი აქტის დროს;
  • დისკომფორტი ან ტკივილი სქესობრივი აქტის დროს;
  • ტკივილი ზურგის, ფეხის ან მენჯის არეში;
  • უმიზეზოდ წონის კლება ან მადის დაკარგვა;
  • ვაგინალური დისკომფორტი ან უსიამოვნო სუნის მქონე გამონადენი;
  • ქალისა და მამაკაცის უნაყოფობა;
  • კლიმაქტერული სინდრომი;
  • თვითნებითი აბორტები;
  • საშვილოსნოს ყელის პათოლოგიები;
  • სქესობრივი გზით გადამდები ინფექციები.

ხარაგაულის კლინიკის ენდოკრინოლოგის დახმარებით მოხდება:

  • დიაბეტის დიაგნოსტირება და მკურნალობა;
  • ფარისებრი ჯირკვლის დაავადებათა დიაგნოსტირება და მკურნალობა;
  • მეტაბოლური სინდრომის და სიმსუქნის დიაგნოსტირება და მკურნალობა;
  • თირკმელზედა ჯირკვლის დაავადებათა დიაგნოსტირება და მკურნალობა;
  • ქალისა და მამაკაცის რეპროდუქციული სისტემის დაავადებათა დიაგნოსტირება და მკურნალობა.