მარელისის რკინიგზის სადგურიდან სოფელ მარელისის ცენტრამდე მისასვლელი სასოფლო გზის რეაბილიტაციის პროექტი იწყება.

16 ივნისს ხარაგაულის მუნიციპალიტეტმა 5 080 ლარზე გამოცხადა ტენდერი მარელისის გზის რეაბილიტაციის საპროექტო-სახარჯთაღრიცხვო დოკუმენტაციის შესადგენად.

სოფელ მარელისის ოთხკილომეტრიანი ცენტრალური სასოფლო გზის რეაბილიტაციის სავარაუდო ღირებულება 1 200 000 ლარია.

ტენდერში მონაწილეობის მისაღებად წინადადებები 22 ივნისამდე მიიღება.

მარელისის გზის რეაბილიტაცია ტენდერში გამარჯვებული მშენებელი ორგანიზაციის გამოვლენისთანავე დაიწყება.