ოთხშაბათს, 3 მაისს, 15 საათზე, ხარაგაულის კინოთეატრში ახალგაზრდული ფესტივალის „გაზაფხულის ხარაგაულის“ ფარგლებში პროექტ „რჩეულის“ ფინალი გაიმართება.

ფესტივალი „გაზაფხულის ხარაგაული“ ხარაგაულის კულტურისა და ხელოვნების ცენტრის (დირექტორი მამუკა ჭიპაშვილი“) 5აპრილიდან მიმდინარეობს და 18 მაისის ჩათვლით გაგრძელდება.

„რჩეულის“ ფინალზე „ხარაგაულის 2023 წლის რჩეული მოსწავლის“ ტიტულის მოსაპოვებლად კონკურსის პირველ ტურში 300-მდე მოსწავლე ჩაერთო. მეორე ტურში 26 საუკეთესო იბრძოდა 9 ფინალური საგზურის მოსაპოვებლად.

9 „რჩეულ მოსწავლეს“ შორის არიან:

  • გიორგი სახვაძე (უბისის საჯარო სკოლა);
  • ლუკა თაბუკაშვილი (ბაზალეთის საჯარო სკოლა);
  • ელენე გორგაძე (ბორითის საჯარო სკოლა);
  • ლუკა მოდებაძე (ლაშის საჯარო სკოლა);
  • თამთა პავლაძე (ბორის საჯარო სკოლა);
  • ბაჩუკი ღონღაძე (ვარძიის საჯარო სკოლა);
  • დემურ ბერაძე (ხიდრის საჯარო სკოლა);
  • ლიზი დევდარიანი (#3 საჯარო სკოლა);
  • ნინო ცუცქირიძე (მოლითის საჯარო სკოლა).

სწორედ ეს მოსწავლეები იბრძოლებენ 3 მაისს „ხარაგაულის 2023 წლის რჩეული მოსწავლის“ ტიტულის მოსაპოვებლად!

არ გამოტოვოთ, მობრძანდით, ერთად ვუგულშემატკივროთ ხარაგაულის მუნიციპალიტეტის რჩეულ ახალგაზრდებს!