საქართველოს წიგნის გამომცემელთა და გამავრცელებელთა ასოციაციის ორგანიზებითა და საქართველოს საავტორო უფლებათა ასოციაციის მხარდაჭერით, 23 აპრილს, 13:00-დან 19:00 საათამდე, „რადისონ ბლუ ივერიაში“ გაიმართება წიგნების გამოფენა-გაყიდვა.

გარდა ამისა, დაგეგმილია ლიტერატურული ღონისძიებები, შეხვედრები ავტორებთან, წიგნის პრეზენტაციები და სხვ.

„რადისონ ბლუ ივერიაში“ წიგნების გამოფენა-გაყიდვა 13:00 საათზე დაიწყება და მასში 20-მდე გამომცემელი მიიღებს მონაწილეობას. მათ შორის არიან გამომცემლობა „სიესტა“, „დიოგენე“, „პალიტრა L“, „ინტელექტი“, „არტანუჯი“, „შემეცნება“, „წიგნიერი“, „ინდიგო“, „საქწიგნი“, „ბიბლუსი“, „ბუქმანია“, „აგორა“, „სეზანი“, „სეზან ფაბლიშიმგი“, „ზიარი“, „მედუზა“, „არიკი“, „რასთ კომიქსი“ და „ჩემი გამომცემლობა“.

ღონისძიების ლიტერატურული ნაწილი კი 16:00 საათიდან სტუმრებს არაერთ საინტერესო ღონისძიებას შესთავაზებს.

გამომცემლობა „საქწიგნის“ახალი წიგნების წარდგენა:

  • როსტომ ჩხეიძე – „ვარსკვლავთა ბილიკები“ ლექსები პროზად’
  • როსტომ ჩხეიძე „დღენი საპარლამენტონი“ (პოლიტიკური რომანი);
  • პაატა ჩხეიძე, როსტომ ჩხეიძე-კლინტ ბრუკსი „ბერწი მიწა: ანალიზი“;
  • შეხვედრა ალეკო შუღლაძესთან, გამომცემლობა „დიოგენე“, გამომცემლობა „პალიტრა L“;
  • ახალი წიგნის „ყველანი აქ ვართ – უკრაინის გაკვეთილები“ წარდგენა, შემდგენელი და წარმდგენი რუსიკო კობახიძე, გამომცემლობა „ზიარი“;
  • გამომცემლობა „წიგნი+ერის“ახალი წიგნების – „ყველა ფერი ბავშვობიდან იწყება კანფეტი „დორას” ისტორია“, „ადამიანთა ფსიქოლოგიური ანატომია“ და „ცხოვრება მშვენიერია – ეს არ არის განაჩენი“ წარდგენა, წარმდგენები – დონარი სამადაშვილი და გიორგი შეშაბერიძე, გიორგი ლომიძე.
  • შეხვედრა გიორგი კეკელიძესთან.

წიგნისა და საავტორო უფლებების მსოფლიო დღე იუნესკომ 1996 წლიდან გამოაცხადა. უიუნესკოს რეზოლუციაში აღნიშნულია, წიგნი ცოდნის გავრცელების საუკეთესო და ხელმისაწვდომი საშუალებაა,

23 აპრილი შეირჩა იმის გამო, რომ ამ დღეს, 1616 წელს გარდაიცვალნენ მიგელ დე სერვანტესი, უილიამ შექსპირი, ინკა გარსილასო დე ლა ვეგა.