დღეს, 14 აპრილს, მარგვეთისა და უბისის ეპისკოპოსის მეუფე მელქისედეკის (ხაჩიძე) ინიციატივით, ხარაგაულის ტაძარში უკიდურესად შეჭირვებულ ოჯახებს სააღდგომო ნობათი დაურიგდათ.

მარგვეთისა და უბისის ეპარქიის ეკონომოსის დეკანოზი პავლეს (ცერცვაძე) ინფორმაციით, სააღდგომო ნობათი 100-მდე ოჯახს გადაეცა.

„დღეს მოწყალება ასევე გაიცა ზესტაფონის საკათედრო ტაძრიდან. თითოეულ ოჯახს გადაეცა შაქარი, მარილი, ზეთი, კვერცხი, კამფეტი, ფქვილი, პასკა, ასევე სააღდგომო ნაკურთხი ხატი, ნახშირი და საკმეველი“, – ამბობს დეკანოზი პავლე.

საქველმოქმედო აქცია მარგვეთისა და უბისის ეპარქიაში, უკვე მერვე წელია, ტარდება.