8 აპრილს, ხარაგაულის სპორტისა და შიდა ტურიზმის ცენტრის სპორტულ დარბაზში, გაიმართა გოჩა ბუაჩიძის ხსოვნისადმი მიძღვნილი ტურნირი კალათბურთში.

შეჯიბრში დაბა ხარაგაულის, ვერტყვიჭალის, ქუთაისის, საჩხერისა და ჭიათურის გოგონათა გუნდები მონაწილეობდნენ.

ფინალში გადავიდნენ ვერტყვიჭალის და საჩხერის გუნდები. მეტად საინტერესო და დაძაბულ ფინალურ შეხვედრაში საჩხერის გოგონათა გუნდმა 46 – 32 დაამარცხა ვერტყვიჭალის გუნდი. გამარჯვებული გუნდი თასით დაჯილდოვდა, ხოლო მონაწილეებს სიგელები გადაეცათ.