საქართველოს რკინიგზა, აღდგომის დღესასწაულთან დაკავშირებით, ბათუმისა და ფოთის მიმართულებით დამატებით რეისებს ნიშნავს.

14 აპრილიდან 18 აპრილის ჩათვლით, მატარებელი დამატებით თბილისი-ბათუმი-თბილისის მიმართულებით იმოძრავებს, ხოლო 13 აპრილიდან 18 აპრილის ჩათვლით – თბილისი-ფოთი-თბილისის მიმართულებით.

ბილეთების შეძენა შესაძლებელია:

საქართვეკლოს რკინიგზის ვებგვერდის საშუალებით;

სწრაფი გადახდის აპარატებით;

საქართველოს რკინიგზის სალაროებში.

თბილისი-ბათუმის მატარებელი მხოლოდ ურეკსა და ქობულეთში აჩერებს. მგზავრობის ღიირებულებაა – მეორე კლასი – 24 ლარი, პირველი კლასი – 60 ლარი, ბიზნესკლასი – 99 ლარი.

თბილისიდან ბათუმის მიმართულებით მატარებელი 00:35 სთ-ზე გავა და ბათუმში 05:47 სთ-ზე იქნება; ბათუმიდან თბილისში 00:45 სთ-ზე დაბრუნდება და თბილისში 05:50 სთ-ზე იქნება.

თბილისი-ფოთის მატარებელი ხარაგაულის რკინიგზის სადგურში აჩერებს. ამ მატარებელზე ხარაგაულიდან თბილისამდე ბილეთის ღირებულება 13 ლარია.

ფოთის მატარებელი თბილისიდან 08:45 სთ-ზე გავა, ფოთში 14:10 სთ-ზე იქნება; ფოთიდან თბილისის მიმართულებით 16:25 სთ-ზე გავა და თბილისში 21:50 სთ-ზე იქნება.

საქართველოს რკინიგზადან მოპოვებული ინფორმაციით, ბილეთების გაყიდვა ამ მომენტისთვის (11: 23 სთ) უკვე დაწყებულია ბათუმი-თბილისის მატარებელზე. ფოთი-თბილისის მატარებელზე ბილეთების გაყიდვა კი უახლოეს საათებში დაიწყება.