ხარაგაულის მუნიციპალიტეტში, უხვი ნალექის გამო, თითქმის ყველა სოფელში ელექტროენერგია გათიშულია.

„ყველა მიმართულებით მიმდინარეობს მუშაობა, რომ თოვლისგან დაზიანებული ელექტროსადენები მოვაწესრიგოთ. რომელ სოფელში როდის ჩავრთავთ დენს, ამ ეტაპზე ვერ გეტყვით. დაბა ხარაგაულში, სავარაუდოდ, ელექტროენერგიის მოწოდება 15:00 საათიდან აღდგება“, – ამბობს „ენერგო პრო ჯორჯიას“ საზოგადოებასთან ურთიერთობის სპეციალისტი თეონა გეგუჩაძე.