ხარაგაულის მუნიციპალიტეტის სკოლამდელ დაწესებულებათა გაერთიანების 21 საბავშვო ბაღში, დიდთოვლობის გამო, სასწავლო-სააღმზრდელო პროცესი შეწყვეტილია.

გაერთიანების დირექტორის, თამარ ლაცაბიძის ინფორმაციით, აღმზრდელები ყველა საბავშვო ბაღში მივიდნენ, თუმცა, საბავშვო ბაღებში არც ერთი აღსაზრდელი არ გამოცხადებულა.

„ელექტროენერგია არ გვაქვს, თუმცა ყველა საბავშვო ბაღში შეშის ღუმელები გვინთია და სითბო გვაქვს. სასწავლო-სააღმზრდელო პროცესი, სავარაუდოდ, არც ხვალ არ შედგება“, – ამბობს თამარ ლაცაბიძე.