ხარაგაულში გავრცელდა ინფორმაცია, რომ საქართველოს პარლამენტში საჩხერე-ჭიათურა-ხარაგაულის მაჟორიტარი დეპუტატი პაატა კვიჟინაძე უახლოეს პერიოდში მინისტრად ინიშნება; მის ნაცვლად კი, სახელისუფლებო პარტიიდან, კენჭისყრას ხარაგაულის მერი კობა ლურსმანაშვილი აპირებს.

გავრცელებული ინფორმაციით, ამის გამო – ხარაგაულში უახლოეს მომავალში მერის რიგგარეშე, ხოლო საჩხერე-ჭიათურა-ხარაგაულის სამაჟორიტარო ოლქში – რიგგარეშე საპარლამენტო არჩევნებია მოსალოდნელი.

ამ ინფორმაციის გადასამოწმებლად, საჩხერე-ჭიათურა-ხარაგაულის მაჟორიტარ დეპუტატს, პაატა კვიჟინაძეს, დავუკავშირდით. მან გავრცელებული ინფორმაცია უარყო და თქვა, რომ მინისტრად მისი დანიშვნა არსად განიხილება.