ხარაგაულის თვითმმართველობამ 3 489 684 ლარი ღირებულების 12 ტენდერი გამოაცხადა

საქართველოს რეგიონებში პროექტების განსახორციელებლად, საქართველოს მთავრობის #2475 განკარგულებით (29.12.2022 წ.), 237 173 327 ლარი გამოიყო.

ამ განკარგულებაში აღნიშნულია, რომ ფინანსთა სამინისტრო თანხებს მუნიციპალიტეტებს სახელმწიფო ტენდერებში გამარჯვებულ მშენებელ ორგანიზაციებთან გაფორმებული ხელშეკრულებების შესაბამისად ჩაურიცხავს.

მთავრობის #2475 განკარგულების საფუძველზე, ხარაგაულის თვითმმართველობამ სოფლებში ინფრასტრუქტურული პროექტების განსახოციელებლად 2022 წლის 30 დეკემბერს 12 ტენდერი გამოაცხადა:

მაქათუბანში წიქარიშვილების უბნის გზის სარეაბილიტაციოდ ტენდერი 61 488 ლარზე გამოცხადდა;
ღარიხევში ბრუისის უბნის გზის სარეაბილიტაციოდ – 55 520 ლარზე;
ბაზალეთის ადმინისტრაციული ერთეულის სოფელ წიფში საუბნო გზის სარეაბილიტაციოდ – 160 781 ლარზე;
ხიდარში გლუნჩაძეების საუბნო გზის აღსადგენად – 100 155 ლარზე;
ხუნევში გუბათის უბნის გზის რეაბილიტაციისთვის – 271 189 ლარზე;
თეთრაწყაროში ვეფხვაძეების საუბნო გზის (ხანდები), სარეაბილიტაციოდ – 310 504 ლარზე;
სოფელ ბაზალეთის, სოფელ წყალაფორეთის, სოფელ ვარძიის და კიცხი-ხიდარის დამაკავშირებელი გზების აღსადგენად – 454 115 ლარზე;
ფარცხნალში ეკლესიის უბნის გზის მშენებლობისთვის – 402 913 ლარზე;
ხარაგაულში, დევდარიანის ქუჩის სარეაბილიტაციოდ – 249 305 ლარზე;
საღანძილეში იჩქიტიძეების უბნის გზის აღსადგენად – 345 919 ლარზე;
მარელისში ქურდაძეების უბნის გზის სარეაბილიტაციოდ – 479 826 ლარზე;
ჭარტალში ყიფიანების უბნის გზის აღსადგენად – 597 969 ლარზე.

ამ ტენდერებში მშენებელი ორგანიზაციებისგან წინადადებების მიღება დღეს, 9 იანვარს დაიწყო. თითოეული ტენდერის შესახებ დაწვრილებითი ინფორმაცია შესაბამის ბმულებზე შეგიძლიათ მიიღოთ.

გაგაცნობთ საქართველოს მთავრობის #2475 განკარგულებით, იმერეთის მუნიციპალიტეტებისთვის გამოყოფილი თანხების ოდენობას:

ხარაგაული – არაუმეტეს 3 643 963 ლარისა;
ზესტაფონი – არაუმეტეს 4 798 856 ლარისა;
ჭიათურა – არაუმეტეს 4 493 927 ლარისა;
საჩხერე – არაუმეტეს 5 724 744 ლარისა;
ბაღდათი – არაუმეტეს 3 332 347 ლარისა;
ვანი – არაუმეტეს 3 695 099 ლარისა;
თერჯოლა – არაუმეტეს 3 397 627 ლარისა;
სამტრედია – არაუმეტეს 4 409 167 ლარისა;
ტყიბული – არაუმეტეს 3 098 925 ლარისა;
ქუთაისი – არაუმეტეს 8 806 229 ლარისა;
წყალტუბო – არაუმეტეს 5 058 433 ლარისა;
ხონი – არაუმეტეს 2 910 941 ლარისა.

„ჩემი ხარაგაულის“ რედაქცია ხარაგაულის მუნიციპალიტეტისგან გამოცხადებული ამ ტენდერების მიმდინარეობისა და შედეგების შესახებ პერიოდულად გაცნობებთ.

ფოტოზე – ხარაგაულის მუნიციპალიტეტის სოფელი ვარძია

ხარაგაულის თვითმმართველობამ 3 489 684 ლარი ღირებულების 12 ტენდერი გამოაცხადა

„სოფლის მხარდაჭერის პროგრამის“ ფარგლებში სოფლებში კრებები გრძელდება

დავით აღმაშენებლის ხსენების დღე ხარაგაულის მუზეუმში

„სოფლის მხარდაჭერის პროგრამა 2026“ დაიწყო

კონკურსის „ევროკავშირის პრიზი ჟურნალისტიკაში 2025“ გამარჯვებულები დაჯილდოვდნენ

იყიდება ფუტკრის ოჯახები