ხარაგაულის მოსწავლე-ახალგაზრდობის სახლი მუნიციპალიტეტში მოქმედ სკოლებს ეკო ნაძვის ხეების კონკურსში იწვევს.

კონკურსი მოსწავლეთა სახლის მაკრამის წრის პედაგოგის, მარინა ვეფხვაძეს ინიციატივით ჩატარდება. კონკურსის მიზანი გამოუყენებელი ნარჩენებისგან ეკო ნაძვის ხის შექმნაა.

კონკურსში მონაწილე სკოლებმა შექმნილი ნაძვის ხეები ხარაგაულის მოსწავლეთა სახლში 26 დეკემბრამდე უნდა მიიტანონ. კომპეტენტური ჟიური, რომელსაც ნაძვის ხის ავტორი არ ეცოდინება, საუკეთესოებს გამოარჩევს.

29 დეკემბერს კონკურსის ფარგლებში შექმნილი ნაძვის ხეების გამოფენა გაიმართება და გამარჯვებულები საახალწლო კონცერტზე გამოცხადდებიან.

ნაძვის ხეები ხუთი ნომინაციით შეირჩევიან:

  1. ყველაზე კრეატიული;
  2. ყველაზე გრადირებული;
  3. ყველაზე უსაფრთხო და ეკოლოგიური;
  4. ყველაზე ბუნებრივი და სადა;
  5. უხვსამკაულიანი.