2022-2023 სასწავლო წლის ეროვნული სასწავლო ოლიმპიადის პირველი ტური 9 დეკემბრიდან 13 დეკემბრის ჩათვლით ელექტრონულად ჩატარდება.

ამ ოლიმპიადაში მონაწილეობა VII-XII კლასის ნებისმიერ მოსწავლეს შეეძლება. შეფასებისა და გამოცდების ცენტრის ინფორმაციით, ოლიმპიადის ელექტრონულად ჩატარებისთვის ბმული და ამავე ცენტრის ოფიციალურ ვებგვერდზე www.naec.ge ოლიმპიადის ჩატარების დღეს გამოქვეყნდება.

ეროვნული სასწავლო ოლიმპიადა ტარდება შემდეგ საგნებში:

9 დეკემბერი

  • ქართული ენასა და ლიტერატურა;
  • ქართულში, როგორც მეორე ენაში (არაქართულენოვანი ზოგადსაგანმანათლებლო დაწესებულების მოსწავლეებისთვის);
  • ფრანგული ენა.

10 დეკემბერი

  • ისტორია;
  • ქიმია.

11 დეკემბერი

  • ინგლისური ენა;
  • გერმანული ენა.

12 დეკემბერი

  • მათემატიკა;
  • ბიოლოგია.

13 დეკემბერი

  • გეოგრაფია;
  • ფიზიკა;
  • რუსული ენა.

ეროვნული სასწავლო ოლიმპიადის მეორე ტური საგამოცდო ცენტრებში ჩატარდება და მასში მონაწილეობის უფლებას მოიპოვებს ის მონაწილე, რომელიც დააგროვებს ტესტის მაქსიმალური ქულის 60%-ს ან მეტს და, ამასთან ერთად მოხვდება შესაბამისი საგნის რეიტინგული სიის პირველ 1000 მოსწავლეს შორის.

მესამე ტურში გადასასვლელად მოსწავლემ 50%-იანი ზღვარი უნდა დაძლიოს და საუკეთესო შედეგების მქონე 50 მონაწილეს შორის უნდა მოხვდეს.

გამარჯვებისათვის კი დასკვნით ტურში ტესტის მაქსიმალური ქულის მინიმუმ 60%-ის მიღება და ათეულში მოხვედრაა საჭირო. ოლიმპიადის მთავარი მიზანი სასწავლო პროცესის სტიმულირება და მოსწავლეებისათვის მოტივაციის ამაღლებაა.