ხარაგაულის მუნიციპალიტეტის შემოსავლები, დაგეგმილი 1700,2 ათ. ლარის ნაცვლად, მიღებულია 1329,3 ათ. ლარი, ანუ გეგმის შესრულებას დააკლდა 370,9 ათ. ლარის შემოსავლები.

ეს იმას ნიშნავს, რომ 2015 წლის შემოსავლების კვარტალური გეგმა 78,2 პროცენტით შესრულდა.

აღნიშნული მაჩვენებელი გასული 2014 წლის შესაბამისი პერიოდის მაჩვენებლებზე 395,9 ათ. ლარით ნაკლებია, – 2014 წლის პირველ კვარტალში შემოვიდა 1725,2 ათ. ლარის შემოსავლები.

გადასახადებიდან ხარაგაულის მუნიციპალიტეტს მიღებული აქვს მხოლოდ 2,6 ათ. ლარი, მათ შორის საწარმოთა ქონების გადასახადი 1,2 ათ. ლარი, ფიზიკურ პირთა ქონების გადასახადი 0,1 ათ. ლარი და არასასოფლო-სამეურნეო დანიშნულების მიწაზე ქონების გადასახადი 1,3 ათ. ლარი.

ხარაგაულის მუნიციპალიტეტის 2015 წლის პირველი კვარტლის ბიუჯეტი შემოსულობების ნაწილში განსაზღვრული იყო 1700.2 ათ. ლარით, ხოლო ფაქტობრივად მიღებულია 1772,6 ათ. ლარის შემოსულობები. შემოსულობებში გამოყენებულია 440,0 ათ. ლარის ფინანსური აქტივების კლება, ანუ ნაშთი.