ხარაგაულის იუმორისტული გუნდი „ჭირიმე“ მხიარულთა და საზრიანთა კონკურსის (მსკ) ნახევარფინალში გადავიდა.

დღეს, თბილისში გამართულ მსკ-ს მეოთხედფინალში, გამარჯვებისთვის ხარაგაულის „ჭირიმესთან“ ერთად, რუსთავის, გორისა და ბათუმის იუმორისტული გუნდები ასპარეზობდნენ.

ჟიურის გადაწყვეტილებით, მხიარულთა და საზრიანთა კონკურსის ნახევარფინალში ხარაგაულის გუნდმა „ჭირიმე“ 28 ქულა მოიპოვა, ბათუმის საზღვაო აკადემიის გუნდმა „ნეპტუნი“ – 26 ქულა, გორის გუნდმა „კეხურა“ – 25, ხოლო რუსთავის გუნდმა „თეორია და პრაქტიკა“ – 21 ქულა.

ნახევარფინალები 19 და 20 ნოემბერს გაიმართება.

ხარაგაულის იუმორისტული გუნდის ხელმძღვანელი და რეჟისორია მამუკა ჭიპაშვილი. დღევანდელ თამაშზე „ჭირიმე“ შემდეგი შემადგენლობით ასპარეზობდა – ბექა ხიჯაკაძე, გიორგი მაქაძე, დათო ჭიპაშვილი, გიორგი ჭიპაშვილი.

წარმატებებს ვუსურვებთ „ჭირიმეს“ ნახევარფინალსა და შემდგომ – ფინალში.

ფოტოზე – „ჭირიმეს“ წევრები სცენაზე გასვლის წინ