ზვარეში ახალგაზრდული ბანაკის რეაბილიტაცია იწყება. უნდა აღდგეს არსებული საცხოვრებელი, სასადილო და ადმინისტრაციული შენობები.

დაგეგმილია სანიტარულ-ჰიგიენური კვანძის, ღობის, ელექტრო სისტემის, გარე განათებისა და წყლის სისტემის აღდგენა, ეზოსა და სათამაშო მოედნის მოწყობა.

ზვარეს ახალგაზრდული ბანაკის რეაბილიტაციის სავარაუდო ღირებულებაა 300 000 ლარი.

ახალგაზრდული ბანაკის აღსადგენად საპროექტო-სახარჯთაღრიცხვო დოკუმენტაციას ტენდერში გამარჯვებული ორგანიზაცია – შპს „საბა“ 5 ათას ლარად მოამზადებს.

ხარაგაულის მუნიციპალიტეტის გამგებელმა კობა ლურსმანაშვილმა შპს „საბას“ დირექტორს რამაზ კუკულაძეს ხელშეკრულების გასაფორმებლად 20 მაისს მიმართა წერილობით.