მუზეუმების ფონდების მუშაობისა და ახალი ექსპოზიციების შექმნის პროცესზე დაკვირვება, მუზეუმებს შორის ურთიერთთანამშრომლობა განახლდა.

ამ მიზნით ხარაგაულის ისტორიული მუზეუმის თანამშრომლები ვანის, ქუთაისისა და წყალტუბოს მუზეუმებში იმყოფებოდნენ.

„კოვიდპანდემიამ მუზეუმების თანამშრომლობა შეაფერხა, – ამბობს ხარაგაულის ისტორიული მუზეუმის დირექტორი ნინო დიდიძე, – ახლა ეს ურთიერთობები აღდგა. ხარაგაულის მუზეუმშიც ველოდებით სტუმრებს სხვადასხვა მუნიციპალიტეტებიდან. აქ ხშირად გვსტუმრობდნენ მეცნიერები, სხვადასხვა მუზეუმების თანამშრომლები.

გამოცდილების გაზიარება და სიახლეების გაცნობა მუზეუმის განვითარებისთვის ძალიან მნიშვნელოვანია“.

ფოტოზე: ხარაგაულის მუზეუმის თანამშრომლები ვანის მუზეუმში