ხარაგაულის ცენტრალური ბიბლიოთეკის (ყოფილი საზოგადოებრივი ჯანდაცვის ცენტრის შენობა) სარეაბილიტაციო სამუშაოები დაიწყო. სამუშაოებს ტენდერში გამარჯვებული შპს „გურო“ (დირექტორი მალხაზ ფცქიალაძე) აწარმოებს.

ამ შენობის სარეაბილიტაციოდ ტენდერი 104 949 ლარზე გამოცხადდა. ტენდერში ოთხი მშენებელი ორგანიზაცია მონაწილეობდა. შპს „გურომ“ ბიბლიოთეკის მომავალი შენობის აღდგენა 83 950 ლარად ივალდებულა.

ხელშეკრულების თანახმად, სამუშაოები 3 აგვისტოს ჩათვლით უნდა დასრულდეს.