ხარაგაულის მუნიციპალიტეტის მაჟორიტარი დეპუტატის, ნოდარ ებანოიძის ინფორმაციით, მალე დაიწყება სოფლების გაზიფიცირებასთან დაკავშირებული საპროექტო სამუშაოები.

მისივე თქმით, 2015 წელს დაგეგმილია თეთრაწყაროში 190 კომლის, ბაზალეთში 110 კომლის, ჩხერში 120 და ახალსოფელში 70 კომლის გაზიფიცირება.

ნოდარ ებანოიძე ამბობს, რომ მისი ინიციატივით სოფელი ბაზალეთი სრულად გაზიფიცირდება. „წელს აუცილებლად ჩაისმება „სოკარის“ გაზიფიცირების გეგმაში ლაშეც. დაპროექტების სამუშაოებს სერიოზული მონიტორინგი დასჭირდება თვითმმართველობის მხრიდან, რომ რომელიმე კომლი არ დარჩეს პროექტის მიღმა,“ – აღნიშნა ჩვენთან საუბარში დეპუტატმა.