ხვალ, 12 სექტემბერს, 09:00 საათიდან, სარებილიტაციო სამუშაოების გამო, დაბა ხარაგაულსა და მიმდებარე სოფლებში მომხმარებლებისთვის ბუნებრივი აირის შეწყვეტა იგეგმება.

ამ ინფორმაციას „სოკარ ჯორჯია გაზი“ ავრცელებს და მოგვიწოდებს, რომ გამოვიჩინოთ სიფრთხილე, – გაზის დანადგარები და ონკანები ჩაკეტილ მდგომარეობაში ვიქონიოთ.

ბუნებრივი აირის მოწოდების აღდგენა, სავარაუდოდ, 13 სექტემბრის 13:00 საათიდან დაიწყება და დღის ბოლომდე დასრულდება.

„წინასწარ არ ვიცით, რა სიმძიმის დაზიანება დაგვხვდება, რა მასალები დაგვჭირდება და რა იქნება მოსაძიებელი, – ამბობს „სოკარ ჯორჯია გაზის“ ზესტაფონის ფილიალის მენეჯერი ლევან აბაშიძე, – ბუნებრივ აირს 12 სექტემბერს დილის 9:00 საათიდან ამორთავთ. თუმცა, მაგისტრალში გაზი უცბად არ გამოილევა.

ჩვენ შევეცდებით, რომ მაქსიმალურად ოპერატიულად და სწრაფად ვიმუშაოთ. თუმცა, ვეჭვობ, რომ დაზიანების აღდგენა მაგისტრალში გაზის გამოლევამდე შევძლოთ. ბუნებრივი აირის მომხმარებლებს სიფრთხილისკენ მოვუწოდებთ“, – ამბობს ლევან აბაშიძე.