ხარაგაულის საზოგადოებრივი ჯანდაცვიდან მოპოვებული ინფორმაციით, 24 აგვისტოს მდგომარეობით, ხარაგაულის მუნიციპალიტეტში covid-19-ის ლაბორატორიულად დადასტურებული 34 აქტიური შემთხვევაა. თვითიზოლაციაში 30 ადამიანი იმყოფება.

ამ ცენტრის დირექტორის, ალექსანდრე ტაბატაძის თქმით, იმ პირებმა, რომლებიც დახურულ სივრცეში დიდხანს არიან, უმჯობესია პირბადე ატარონ. ასევე აუცილებელია, კორონავირუსისთვის დამახასიათებელი სიმპტომებისთანავე ტესტის გაკეთება.

„ყოველღიურად ხარაგაულის ჯანდაცვის ცენტრს ტესტის გასაკეთებლად 20-მდე პირი მოგვმართავს, – ამბობს ალექსანდრე ტაბატაძე, – covid-19 ჯერ არ დაგვიმარცხებია. ამიტომ სიფრთხილე უნდა გამოვიჩინოთ და ამ ვირუსის დადასტურების შემდეგ იზოლაციის წესები დავიცვათ“.

ხარაგაულში კორონავირუსის პირველად დადასტურებიდან (2020 წლის 15 ოქტომბერი) 2022 წლის 24 აგვისტომდე ამ ვირუსის 5595 შემთხვევაა გამოვლენილი, მათგან 5512 პირი გამოჯანმრთელდა, 49 ინფიცირებული გარდაიცვალა.