დღეიდან აბიტურიენტთა პირველადი შედეგების გამოქვეყნება დაიწყო.

ხარაგაულელ აბიტურიენტთაგან საუკეთესო შედეგი ბორის საჯარო სკოლის კურსდამთავრებულმა ნანუკა წიწილაშვილმა დაიმსახურა. მან ქართულ ენასა და ლიტერატურაში 60 მაქსიმალური ქულიდან 57 ქულა მიიღო.

ნანუკა ოქროს მედალოსანია, ბავშვობიდან ექიმობაზე ოცნებობს და თბილისის სახელმწიფო უნივერიტეტში აპირებს სწავლის გაგრძელებას.

ვულოცავთ ნანუკა წიწილაშვილს პირველ გამოცდაში მაღალი ქულის მოპოვებას. შემდეგ გამოცდებში წარმატებებს და შემდგომ – ბედნიერ სტუდენტობას ვუსურვებთ.

„ჩემი ხარაგაულის“ რედაქცია სიხარულით გამოაქვეყნებს თითოეული წარმატებული აბიტურიენტის შედეგებს, თუკი ამის შესახებ თავად გვაცნობებთ.

თქვენ ასევე დაგაინტერესებთ
ნანუკა წიწილაშვილი და თამარ ჭანკოტაძე – წარჩინებულები ბორიდან