დღეს, 9 ივნისს, დილის 07:00 საათიდან რიკოთის უღელტეხილზე – თბილისი-სენაკი-ლესელიძის 149-ე კილომეტრზე (ჩუმათელეთი-ხევის მონაკვეთი) ფერდის დამუშავებისას  ქვათაცვენის გამო ავტოტრანსპორტის მოძრაობა ჩაიკეტა.

საავტომობილო გზების დეპარტამენტისგან მოპოვებული ინფორმაციით, ამ ეტაპზე გაწმენდითი სამუშაოები მიმდინარეობს და პარალელურად ეწყობა მოძრაობის უსაფრთხოებისთვის საჭირო დამცავი ბარიერები.

ავტოტრანსპორტის მოძრაობა გადართულია შიდასახელმწიფოებრივი მნიშვნელობის გომი-საჩხერე-ჭიათურა-ზესტაფონის საავტომობილო გზაზე.