26 მაისი, საქართველოს დამოუკიდებლობის დღე, ხარაგაულში რამდენიმე ღონისძიებით აღინიშნება. მერიის კულტურის სამსახურის უფროსის, ირინე ჩხეიძესგან მოპოვებული ინფორმაციით,

  • 11:00 სთ-ზე ბორითში, ეროვნული გმირის, მერაბ კოსტავას გარდაცვალების ადგილზე აღმართულ მემორიალს ყვავილებით შეამკობენ;
  • 13:00 სთ-ზე ხარაგაულის კინოთეატრში ადგილობრივი შემოქმედებითი ანსამბლების მონაწილეობით საზეიმო კონცერტი გაიმართება;
  • 15:00 სთ-ზე ჩხერის ციხეზე აღიმართება საქართველოს დროშა და სასულიერო პირების მიერ ჯვარი ეკურთხება.

ახალგაზრდების ჯგუფმა დამოუკიდებლობის დღეს სოფელ ვახანში დოღის გამართვა დაგეგმა. დოღში მონაწილეობის მსურველები უნდა დაუკავშირდნენ დოღის ორგანიზატორს ლაშა ღონღაძეს ტელეფონით შემდეგ ნომერზე – 577276470.

1918 წლის 26 მაისს ამიერკავკასიის დემოკრატიული ფედერაციული რესპუბლიკა დაშლილად გამოცხადდა. იმავე დღეს შედგა საქართველოს ეროვნული საბჭოს სხდომა, რომლის მონაწილეებმაც  „საქართველოს დამოუკიდებლობის აქტი“ ერთხმად დაამტკიცეს.