უწყებათაშორისმა საკოორდინაციო საბჭომ, დღეს გამართულ სხდომაზე, საქართველოში არსებული ეპიდემიოლოგიური მდგომარეობის ანალიზის საფუძველზე, მოქმედი რეგულაციების შემსუბუქების გადაწყვეტილება მიიღო:

პირველი მარტიდან, საჰაერო, სახმელეთო და საზღვაო საზღვრით შემოდის უცხო ქვეყნის ყველა მოქალაქე/რეზიდენტი, რომელიც არის სრულად ვაქცინირებული; ხოლო ვაქცინაციის არქონის შემთხვევაში, წარადგენს 72-საათიანი ვალიდურობის მქონე PCR-ტესტს (მესამე დღეს PCR ტესტირების ვალდებულების გარეშე);

ქვეყანაში საქართველოს მოქალაქეების PCR-ტესტით შემოსვლის შემთხვევაში, იხსნება მესამე დღეს PCR-ტესტირების ვალდებულება, ხოლო PCR-ტესტის არქონის შემთხვევაში, არსებული 8-დღიანი თვითიზოლაცია შემცირდება 5 დღემდე;

უქმდება ბიზნესვიზიტორების, „იმუშავე საქართველოდან“ და სტუდენტური აპლიკაციები;

უქმდება სტუმართა მაქსიმალური რაოდენობის შეზღუდვა;

კვების ობიექტებში ღია სივრცეში ერთ მაგიდასთან დაიშვება 15 ადამიანი;

დახურულ სივრცეში ერთ მაგიდასთან დაიშვება 10 ადამიანი;

სოციალური ღონისძიებების (წვეულება, დაბადების დღე, ქორწილი, ქელეხი) გამართვა დასაშვები ზემოთ აღნიშნული პირობით;

პირველი მარტიდან უქმდება საკარანტინე სივრცეები, ე.წ კოვიდ-სასტუმროები; დღეიდან აღნიშნულ სივრცეებში ინფიცირებულთა შეყვანა შეჩერდება;

უქმდება თერმოსკრინინგისა და ჟურნალის წარმოების ვალდებულება;

უქმდება დეზობარიერის ქონის ვალდებულება;

უქმდება ბუფეტის მომსახურებაზე შეზღუდვა;

4 მარტიდან დასაშვებია კლუბების ფუნქციონირება ღონისძიების საერთო ფართის 60%-იანი დატვირთვით;

15 მარტიდან დასაშვებია კონფერენციების, სემინარების და ტრენინგების ჩატარება შეზღუდვების გარეშე;

საკოორდინაციო საბჭოს სხდომები ყოველკვირეული სიხშირის ნაცვლად, ორ კვირაში ერთხელ გაიმართება.