დამძიმებული ეპიდვითარების გამო, ხარაგაულის სკოლამდელ დაწესებულებათა გაერთიანებამ მუნიციპალიტეტში მოქმედ 21-ვე საბავშვო ბაღში სასწავლო პროცესის შეჩერება გადაწყვიტა.

ამ გაერთიანების დირექტორი მამუკა ჭიპაშვილი ამბობს, რომ აღსაზრდელთა მიღება 7 თებერვლამდე შეწყვიტეს.

„მომავალ ორშაბათისთვის ხარაგაულში როგორი ეპიდვითარებაც გვექნება, იმის მიხედვით ვიმოქმედებთ,“ – ამბობს მამუკა ჭიპაშვილი.

დღეს, პირველ თებერვალს, სასწავლო-სააღმზრდელო პროცესი ხარაგაულის ათ საბავშვო ბაღში ვერ განახლდა.