სწავლის განახლებასთან დაკავშირებით ხარაგაულის ჯანდაცვის ცენტრი სკოლებში დასაქმებულთა ტესტირებას ატარებს.

ტესტირება გუშინ, 13 იანვარს, დაიწყო და დღეს დასრულდება.

ხარაგაულის საზოგადოებრივი ჯანდაცვის ცენტრის დირექტორის, ალექსანდრე ტაბატაძის ინფორმაციით, გუშინ ტესტირება ჩაუტარდათ კიცხის, ბორის, ვარძიის, წყალაფორეთის, ხიდრის, დაბა ხარაგაულისა და საღანძილის სკოლების მასწავლებლებს.

დღეს კი ძირულასა და ჩხერიმელას ხეობის სოფლების სკოლების პედაგოგებს გატესტავენ.

გუშინ ჩატარებული სწრაფი ტესტის ყველა პასუხი უარყოფითია, ხოლო PCR ტესტის პასუხები ხვალ გახდება ცნობილი.