ბაზალეთში, თეთრაწყაროში, ჩხერსა და ახალსოფელში გაზიფიცირების პროცესი დაიწყება.

ეს ინფორმაცია პარლამენტარმა, ხარაგაულის მაჟორიტარმა დეპუტატმა ნოდარ ებანოიძემ მოგვაწოდა.

„გადაწყვეტილება მიღებულია ბაზალეთის, თეთრაწყაროს, ჩხერისა და ახალსოფლის გაზიფიცირებაზე. მიმდინარე წელს გაზიფიცირდება ეს სოფლები.

სავარაუდოდ, ორ კვირაში ამ სოფლებს დაემატება ალბათ ლაშეც. ვმუშაობ, რომ ასევე მიიღონ გადაწყვეტილება ჯაფაროულის გაზიფიცირებაზე,“ – ამბობს ნოდარ ებანოიძე.