თხილისა და კაკლის საცდელი მეურნეობის შესაქმნელად ხარაგაულის მუნიციპალიტეტის ადგილობრივი ბიუჯეტიდან 3 ათასი ლარი გამოიყო. გამგებლის მრჩეველი სოფლის მეურნეობის საკითხებში მურმან არჯევანიძე განმარტავს, რომ საცდელი მეურნეობისთვის შერჩეული მიწის ნაკვეთი მუნიციპალიტეტმა ჯერჯერობით ვერ გაიფორმა.

„რადგან თხილისა და კაკლის გადარგვის სავეგეტაციო პერიოდი დამთავრდა, ნაკვეთზე მათ ნოემბერში დავრგავთ,“ – ამბობს მურმან არჯევანიძე. მისივე თქმით, 24 ჰა მიწის ნაკვეთი კიცხისა და წყალაფორეთის ტერიტორიაზეა განთავსებული.