ხარაგაულისა და ბორითის კლინიკებში კორონავირუსის საწინააღმდეგო აცრები მიმდინარეობს.
აცრების დაწყებიდან დღემდე ხარაგაულში 4 ათასზე მეტი, ხოლო ბორითში – 600 პირი აიცრა.
„პენსიონერებისთვის ვაქცინაციის წამახალისებელი აქცია რომ გამოცხადდა, აცრის მსურველთა რიცხვი გაიზარდა, – ამბობს ხარაგაულის საავადმყოფოს ექთანი შორენა ლოლაძე, – ოქტომბერში 190 მსურველი ავცერით, 1-24 ნოემბრის პერიოდში – 200-ზე მეტი.
ხარაგაულის საავადმყოფოში აცრები ყოველდღე, შაბათ-კვირის გარდა, სინოვაკითა და სინოფარმით ტარდება. აცრა შესაძლებელია როგორც წინასწარი რეგისტრაციით, ისე რეგისტრაციის გარეშე.
„ოქტომბერში ყოველდღიურად 10-12 პირს ვცრიდი, – ამბობს ბორითის საავადმყოფოს ექთანი თამარ ქავთარია, – ვაქცინაციის მსურველთა რიცხვი გაიზარდა და ახლა დღეში 20-30 ადამიანი მოდის.
ბორითის კლინიკაში აცრა სინოვაკით პარასკევს, შაბათსა და კვირასაა შესაძლებელი, – პარასკევს და შაბათს წინასწარი რეგისტრაციით, ხოლო კვირას – რეგისტრაციის გარეშე“.
დაავადებათა კონტროლის ცენტრის ინფორმაციით, 24 ნოემბრის მონაცემებით, სულ 2 112 851 აცრაა ჩატარებული. ერთი დოზით ვაქცინირებულია 1 117 964 ადამიანი (მოზრდილი მოსახლეობის 39.3%),
სრულად ვაქცინირებულია 984 539 ადამიანი (მოზრდილი მოსახლეობის 34.5%).
შეგახსენებთ, რომ პრემიერ-მინისტრ ირაკლი ღარიბაშვილის თქმით, ის პენსიონერები, რომლებიც 2022 წლის პირველ იანვრამდე აიცრებიან, ერთჯერადად 200 ლარს მიიღებენ.
ხარაგაულის წმინდა ანდრია პირველწოდებულის გიმნაზიის
ჯანმრთელობის მსოფლიო ორგანიზაციის ევროპის რეგიონული ბიურო 2024 წლის
დაბადებიდან 49 წლის იუბილეს ვულოცავთ მის ყოვლადუსამღვდელოესობას, მარგვეთისა და უბისის ეპისკოპოსს,
საქართველოს რკინიგზის ინფორმაციით, აღდგომის დღესასწაულთან დაკავშირებით, ბათუმისა და
„მაღალმთიან დასახლებებში