ხარაგაულის საზოგადოებრივი ჯანდაცვის ცენტრიდან მოპოვებული ინფორმაციით, ბოლო დღეებში კორონავირუსმა სამი ხარაგაულელის სიცოცხლე იმსხვერპლა.

სამივე მათგანი საავადმყოფოში მკურნალობდა. მათ ვირუსი ნოემბრის დასაწყისში დაუდასტურდათ.

70 წლამდე ასაკის ცოლ-ქმარი დიდვაკეში ცხოვრობდნენ. კორონავირუსის საწინააღმდეგო აცრა არც ერთს არ ჰქონდა ჩატარებული. ისინი თავიდან ბორითის კოვიდცენტრში გადაიყვანეს, შემდეგ კი – თბილისში.

მოლითში მცხოვრები მამაკაცი თერჯოლის კოვიდცენტრში მკურნალობდა, ორჯერადად იყო ვაქცინირებული და თანმხლები დაავადებები ჰქონდა.

ხარაგაულში კორონავირუსით გარდაცვლილთა რიცხვი 40-მდე გაიზარდა.