ხარაგაულში ეპიდემიოლოგიური ვითარება ისევ მძიმეა.

საზოგადოებრივი ჯანდაცვის ცენტრისგან მოპოვებული ინფორმაციით, ბოლო 24 საათში მუნიციპალიტეტში კორონავირუსის 35 ახალი შემთხვევა გამოვლინდა. მათგან 6 ბავშვია.

ამით კორონავირუსის ხარაგაულში პირველად დაფიქსირებიდან დღემდე 2 765 შემთხვევაა დადასტურებული, მათგან 2 136 პირი გამოჯანმრთელდა, 37 გარდაიცვალა.

COVID-19-ით ინფიცირების ახალი შემთხვევები დადასტურდა ხუნევში, ღორეშაში, დაბა ხარაგაულში, წყალაფორეთში, საქარიქედში, ვახანში, ზვარეში, ახალსოფელში, ლეღვანში, ვარძიაში, ფარცხნალში, მარელისში, დიდვაკესა და კიცხში.

ამჟამად ხარაგაულში 592 ინფიცირებულიდან 33 საავადმყოფოში მკურნალობს, დანარჩენები ბინაზე, – ოჯახის ექიმის მეთვალყურეობით. იზოლაციაში 100 პირია.