ხარაგაულის #1 საბავშვო ბაღში (გამგე ნანა რევაზიშვილი) 4-5 წლიანთა ჯგუფში გაზაფხულისადმი მიძღვნილი პრეზენტაცია გაიმართა.

პატარებმა საბავშვო პოეტ გივი ჭიჭინაძის ლექსებით აღნიშნეს მშვენიერი გაზაფხულის შემობრძანება.

ლექსები, სიმღერები და სხვადასხვა მხატვრული ნომრები ბავშვებმა არაჩვეულებრივად წარმოადგინეს, რაშიც უდიდესი წვლილი მიუძღვით მათ აღმზრდელებს მაია დევდარიანს, ეკა ტაბატაძეს, ირმა ყანჩაველსა და ლალი შარაშიძეს.

ზეიმზე პატარებმა შეასრულეს თამარ ავალიშვილის მიერ გივი ჭიჭინაძის ლექსებზე შექმნილი სიმღერები „ვინ მოიხმო ჩიტები“ და „ლილეო.“

პრეზენტაციის დასასრულს აღსაზრდელთა მშობლებმა და აღმზრდელებმა აღნიშნეს, რომ ბავშვებმა საუკეთესოდ წარმოაჩინეს საბავშვო ბაღის პროგრამით გათვალისწინებული თემატური პრეზენტაცია.

ZEIMI_3 ZEIMI_4 ZEIMI_5 ZEIMI_6 ZEIMI_7