რთული ეპიდემიოლოგიური ვითარების გამო, ხარაგაულის #2, #3, საღანძილის, მარელისის, ლეღვნის, მოლითის, ვახანის, ზვარეს, კიცხის, ლაშის, ბაზალეთის, უბისის, ვაშლევის, ვარძიის საჯარო სკოლები და ხარაგაულის გიმნაზია სწავლების დისტანციურ რეჟიმზეა გადასული.

ხარაგაულის საგანმანათლებლო რესურსცენტრის უფროსის, მარინა ვეფხვაძის ინფორმაციით, ხარაგაულის სკოლებში კორონავირუსის გავრცელების სტატისტიკა იკლებს.

„ხვალ, 11 ნოემბერს, ოფიციალური მონაცემები გვეცოდინება, რომელ სკოლაში რამდენი მოსწავლე და რამდენი მასწავლებელია ინფიცირებული, ასევე რამდენი გამოჯანმრთელდა.

ამ მონაცემებს პარასკევს განათლების სამინისტროს ვაწვდით. საზოგადოებრივი ჯანდაცვის ცენტრთან და განათლების სამინისტროსთან შეთანხმებით გადავწყვეტთ, განახლდება თუ არა ორშაბათს, 15 ნოემბერს, საკლასო ოთახებში სწავლა,“ –  ამბობს მარინა ვეფხვაძე.