ხარაგაულის მუნიციპალიტეტის საკრებულოს ბიურომ მორიგ სხდომაზე მუნიციპალიტეტის საკუთრებაში არსებული უძრავი ქონების საპრივატიზებო ობიექტთა ნუსხა განიხილა.

საპრივატიზებო ობიექტთა ნუსხის პროექტის მიხედვით, დაბა ხარაგაულში საპრივატიზებო ობიექტებია:

სოლომონ მეფის ქ. #46-ში მდებარე ავტოფარეხი მასზე დამაგრებული მიწის ფართით; არასასოფლო-სამეურნეო დანიშნულების მიწის ფართობები – სოლომონ მეფის ქუჩაზე სახაჭაპურესთან, სოლომონ მეფის ქუჩის მეორე შესახვევთან, წერეთლის ქუჩაზე, ე. წ. „დევებთან“ ხარაგაული-ძირულას საავტომობილო გზის მესამე კილომეტრზე, საბავშვო ბიბლიოთეკის მიმდებარედ, სოლომონ მეფის ქუჩის დასაწყისში.

საპრივატიზებო ობიექტთა ნუსხაშია:

სოფელ კიცხის საბავშვო ბაღის ყოფილი შენობა, მშენებარე საბავშვო ბაღის შენობა მასზე დამაგრებული მიწით და ამავე სოფელში არასასოფლო-სამეურნეო დანიშნულების მიწის ორი ფართობი;

თეთრაწყაროს ყოფილი კოლმეურნეობის ადმინისტრაციული შენობა, მაღაზია, მაღაზია-ჯიხური მასზე დამაგრებული მიწით და არასასოფლო-სამეურნეო დანიშნულების მიწის ფართობი;

მაქათუბანში – ხისა და ქვის შენობები მასზე დამაგრებული მიწის ფართობებით;

ბორითში – ყოფილი ამბულატორიის შენობა მასზე დამაგრებული მიწით;

დიდვაკეში – ყოფილი ამბულატორიის ფართი;

მოლითში – კავშირგაბმულობის საველე ნაგებობა მასზე დამაგრებული მიწით;

ბაზალეთში – დანგრეული ყოფილი ბოსლის შენობა მასზე დამაგრებული მიწით;

ხორითში – ყოფილი ფურნე და მაღაზიის შენობა მასზე დამაგრებული მიწის ფართობებით;

ღორეშაში – კლუბი, ბიბლიოთეკა, კანტორა (დანგრეული), ბიბლიოთეკა (დანგრეული შენობა), ყოფილი საავადმყოფოს დამხმარე სათავსო, ექიმის სახლი ამ შენობებზე დამაგრებული მიწის ფართობებით;

წყალაფორეთში – საბავშვო ბაღის შენობა-ნაგებობა მასზე დამაგრებული მიწით;

ლახუნდარასა და ხონში – ყოფილი კლუბ-კანტორის შენობები მათზე დამაგრებული მიწით;

ნადაბურში ყოფილი ფურნის შენობა, სამჭედლო და საწყობი მათზე დამაგრებული მიწით;

ზედა ლაშეში – ყოფილი დაწყებითი სკოლის შენობა მასზე დამაგრებული მიწით და ზედა ლაშის მოსაცდელის მოპირდაპირე მხარეს არასასოფლო-სამეურნეო დანიშნულების მიწის ფართობი;

საღანძილეში – არასასოფლო-სამეურნეო დანიშნულების მიწის ორი ნაკვეთი.

ამ ობიექტთა ნუსხას საკრებულო 6 აპრილის მორიგ სხდომაზე განიხილავს და დაამტკიცებს.