მუნიციპალური განვითარების ფონდს სოფელ უბისაში მდებარე არასასოფლო-სამეურნეო დანიშნულების მიწის 20 მ2 და 277 მ2 ნაკვეთები ორი წლის ვადით, უსასყიდლოდ გადაეცა წყალმომარაგება-კანალიზაციის სისტემის მოსაწყობად.

გამგეობის ქონების მართვის სამსახურის უფროსის, როინ გელაშვილის ინფორმაციით, მუნიციპალური განვითარების ფონდი უბისის მონასტრის მიმდებარედ ახორცილებს სამშენებლო სამუშაოებს. მისივე თქმით, მშენებლობის დასრულების შემდეგ ქონება მუნიციპალიტეტს გადმოეცემა.