ხარაგაულის საზოგადოებრივი ჯანდაცვის ცენტრიდან მოპოვებული ინფორმაციით, ლაშეში მცხოვრები ქალი ხაშურის საავადმყოფოს კოვიდცენტრში მკურნალობდა.

ამით ხარაგაულში კოვიდით გარდაცვლილთა რიცხვი 24-მდე გაიზარდა. პირველი ოქტომბრიდან 6 ოქტომბრის ჩათვლით ხარაგაულში კორონავირუსს უკვე ოთხი ადამიანი ემსხვერპლა.

„მოვუწოდებ ყველას, კოვიდის სიმპტომების გამოვლენისთანავე მოვიდნენ საზოგადოებრივი ჯანდაცვის ცენტრში, გაიკეთონ ტესტი და ზუსტად გვითხრან, ვინ არიან მათი კონტაქტები, – ამბობს ნინო ყიფშიძე, – ინფორმაციას ინფიცირებულები მალავენ. ამის გამო, სამწუხაროდ, დაავადებულთა რიცხვი იზრდება, რადგან ვირუსის მტარებელი პირები ქუჩაში დადიან.

ვიყოთ ერთმანეთის მიმართ სოლიდარულები – გავუფრთხილდეთ საკუთარ და სხვების სიცოცხლეს“.

ხარაგაულში ვირუსის პირველად დაფიქსირებიდან დღემდე 1 390 შემთხვევა დადასტურდა. მათგან 1256 პირი გამოჯანმრთელდა, 24 გარდაიცვალა.

110 ინფიცირებულიდან 16 საავადმყოფოში მკურნალობს. დანარჩენები ბინაზე იმყოფებიან. ამჟამად იზოლაციაში 85 მოქალაქეა.