ბოლო 24 საათში ხარაგაულში კორონავირუსი 9 პირს გამოუვლინდა. მათგან ერთი ხარაგაულის მერიის თანამშრომელია. მისი ინფიცირების წყარო უცნობია.

ახალი შემთხვევებიდან ერთი დაავადებული 7 წლის ბავშვია. მას კორონავირუსი დედისგან გადაედო.

ინფიცირებულები დაბა ხარაგაულის, ვარძიის, ჩხერის, ლეღვნისა და ნადაბურის მაცხოვრებლები არიან. დაბა ხარაგაულში, ვარძიასა და ჩხერში 2-2 ახალი ინფიცირებულია, ხოლო ლეღვანსა და ნადაბურში – თითო-თითო.

ხარაგაულში კორონავირუსის პირველი დადასტურებიდან დღემდე 1 174 შემთხვევაა გამოვლენილი. მათგან 1 007 გამოჯანმრთელდა, ხოლო 17 გარდაიცვალა.

22 ხარაგაულელი ინფიცირებული საავადმყოფოში მკურნალობს, ხოლო დანარჩენები სახლში – ოჯახის ექიმის მეთვალყურეობით.

ამჟამად ხარაგაულის მუნიციპალიტეტში 114 ადამიანი იზოლაციაში იმყოფება.