ორშაბათიდან წამახალისებელი ლატარია დაიწყება,  – ამის შესახებ დღეს საკოორდინაციო საბჭოს სხდომის შემდეგ გამართულ ბრიფინგზე ისაუბრეს.

ლატარიის კომპანია ყოველდღიურად შერჩევითი პრინციპით გაათამაშებს ფულად ჯილდოს კორონავირუსის საწინააღმდეგო ვაქცინით აცრილი მოქალაქეებისთვის.

ლატარიის საპრიზო ფონდი შეადგენს 2 800 000 ლარს და გათამაშდება ყოველდღიურად წლის ბოლომდე. ამასთანავე იქნება ყოველკვირეული შემაჯამებელი გათამაშება.

ყოველდღიურად გათამაშდება 100-დან 500 ლარამდე, ყოველკვირეულად – 1000, 5000 და 10 000 ლარის ოდენობის ჯილდო, ხოლო შემაჯამებელ გათამაშებაზე, რომელიც წლის ბოლოს გაიმართება, საპრიზო ფონდი 100 000 ლარი იქნება. ლატარია ლოტოტრონის პრინციპით გათამაშდება.