ხარაგაული-ბაზალეთის სამკილომეტრიანი საავტომობილო გზის რეაბილიტაცია იწყება. საპროექტო-სახარჯთაღრიცხვო დოკუმენტაციას ტენდერში გამარჯვებული შპს „გზამკვლევი 2001“ შეასრულებს. გზის რეაბილიტაციის საერთო სავარაუდო ღირებულება 600 ათასი ლარია. პროექტი რეგიონული განვითარების ფონდიდან ფინანსდება. ამ გზის მოასფალტებაზე 510 ათ. ლარია განსაზღვრული, სანიაღვრე არხის მოწყობაზე – 80 ათ. ლარი; ცხაურებსა და მილხიდებზე – 10 ათ. ლარი.

შეგახსენებთ, რომ რეგიონული განვითარების ფონდიდან 2016 წელს უბისა-ღორეშის გზის აღდგენა, ხოლო 2017 წელს – ბაზალეთი-სარგვეშის გზის რეაბილიტაციის დაფინანსებაა დაგეგმილი.