2 სექტემბრის მონაცემებით, ბოლო 24 საათში, ხარაგაულში კორონავირუსის 7 ახალი შემთხვევა გამოვლინდა.

ინფიცირებულები ვერტყვიჭალის, ბჟინევის, საღანძილის, ვარძიის, ლახუნდარასა და ხუნევის მაცხოვრებლები არიან. ბჟინევში ვირუსი ორ ადამიანს დაუდასტურდა, ხოლო დანარჩენ სოფლებში თითო-თითოს.

250 ხარაგაულელი ინფიცირებულიდან 31 სტაციონარში მკურნალობს, ხოლო დანარჩენები სახლში, ოჯახის ექიმის მეთვალყურეობით.

ხარაგაულის მუნიციპალიტეტში კორონავირუსის პირველად დაფიქსირებიდან დღემდე ვირუსის 1 120 შემთხვევაა გამოვლენილი, მათგან 853 გამოჯანმრთელდა, ხოლო 17 გარდაიცვალა.

ამჟამად ხარაგაულის მუნიციპალიტეტში თვითიზოლაციაში 181 ადამიანი იმყოფება.