„წინასაარჩევნო შეხვედრებზე ექიმის ტარება ძალიან კარგი იდეაა. შემდეგ სამშაბათს, უწყებათაშორისი საბჭოს სხდომაზე ამ იდეას აუცილებლად გავაჟღერებ, რომ პარტიებმა ერთი ავტორიტეტული ექიმი ატარონ შეხვედრებზე, რომელიც მოსახლეობას ვაქცინაციის აუცილებლობაში დაარწმუნებს“, – აღნიშნა ამირან გამყრელიძემ მედიავებინარზე BMG-ის მიერ შეთავაზებულ იდეაზე.

„საბჭოს სხდომაზეც წამოვწიე და რამდენიმე გამოსვლაშიც ვახსენე, რომ წინასაარჩევნო პერიოდში აცრა უნდა იყოს ყველაზე ზეპარტიული საკითხი და ყველამ – ოპოზიციამ და პოზიციამაც უნდა ვისაუბროთ აცრის სიკეთეებზე, იმ სარგებელზე, რაც აცრას მოაქვს და მოქალაქეებს ვაქცინაციისკენ უნდა მოვუწოდოთ“, – ამბობს ამირან გამყრელიძე.